Макрон утре ќе именува нов премиер

Францускиот претседател Емануел Макрон утре пред пладне ќе назначи нов претставник за состав на владата, соопшти Елисејската палата.

„Огласот за именувањето на премиерот ќе биде објавен утре наутро“, соопштија од придружбата на Макрон, додека францускиот претседател вечерва слета на парискиот аеродром на враќање од посетата на Полска.

На 4 декември, Парламентот и изгласа недоверба на владата на премиерот Мишел Барние, првпат по падот на владата на Жорж Помпиду во 1962 година.