Макрон покани претставник на Русија на „Денот Д“ и ги налути САД: „Се надеваме дека ова е добра одлука“

Претседателот на Франција, Емануел Макрон го покани претставникот на Русија на прославата на 80-годишнината од Денот Д, односно слетувањето во Нормандија.

Овој потег на францускиот претседател го налути тимот на американскиот претседател Џо Бајден.

Од Белата куќа соопштија дека воопшто не се задоволни од оваа одлука на владата во Париз, но дека можеби сепак Макрон донел добра одлука.

„Се надеваме дека ова ќе ги потсети Русите дека некогаш се бореле против вистински нацисти, а не со имагинарни“, изјавија од Белата куќа за Политико.

Покрај американската, и бројни европски администрации протестираа поради одлуката на оваа церемонија да се вклучи и претставник на Русија, која ја нападна Украина пред две години.