Претставници на хрватската хотелиерска компанија „Валамар“ во моментов се во посета на Македонија каде што бараат регрути за нивните отворени позиции на хрватската ривиера за следното лето.
Работници од Скопје, Велес, Прилеп, Радовиш и Штип ќе имаат можност да работат на островот Раб на Јадранско море каде што „Валамар“ отвора ново ексклузивно одморалиште.
Во последните 6-7 сезони по ред Хрватска е убедливо најатрактивна дестинација за сезонските работници одземајќи и ја оваа титула на Германија, а се повеќе се бара работа и во земји како Словенија, Словачка и Англија.
Агенциите за вработување, правни и физички лица веќе нудат работни позиции за сезоната во Хрватска која ќе почне во март.
Најчесто сите понуди од посредниците за работа се со обезбедено сместување, а кандидатите не плаќаат ништо за услугата освен мала агенциска провизија. Оние работници што немаат искуство на сезонско работење во странство ниту пак солидно познавање на јазикот на земјата во која одат, работат што било во првата сезона.
По социјалните мрежи има многу огласи за вработување на хрватската ривиера кои нудат одлични услови за македонски стандард и плати речиси исти како и во западните земји на ЕУ. Оваа земја вработува најмногу македонски работници во секторот угостителство, а само во Дубровник има преку 150 угостителски работници од Македонија.
„Се бараат продавачки за работа на штандови за палачинки и фритули. Почнува сезоната од 01-06-2025 до 15-09-2025, локација Водице, Хрватска Платено сместување, Платен оброк, Работна дозвола“, стои во еден од огласите на агенциите за вработување објавени на социјалните мрежи.
За работа во ресторан на островот Брач се нуди плата од 1500 евра за скараџија, 1000 за келнер. За помошнички во кујна во Пореч се нудат 1300 евра, а за готвач од 1500 до 2000 евра плата.
„За сезоната лето 2024 година за Хрватска ни требаат угостителски работници. За Словенија ни требаат шанкерки, шанкери, келнери, помошници во кујна, пица мајстор, за Австрија ни требаат девојки за продажба на сладолед, за Албанија готвач. Обезбедено е сместување и храна, плата по договор“, стои во друг оглас.
„Valamar е најголемиот работодавач во туризмот во Хрватска, а оваа сезона во хотелите, одморалиштата и камповите во Пореч, Рабац, Макарска, Дубровник, на островите Раб, Крк, Хвар и Обертауерн во Австрија беа ангажирани повеќе од 8.300 вработени лица.
Примањата за стручни позиции – готвачи, келнери, рецепционери и за низа други позиции, во врвот на сезоната изнесуваа помеѓу 1.400 и 2.000 евра нето, додека собарките, помошниците-готвачи, помошниците-келнери, работниците во кујна, персоналот за послужување и вработените на други работни места примаа помеѓу 1.000 и 1.300 евра. На сите вработени лица кои доаѓаат за работа на дестинациите им се обезбедуваат квалитетно сместување, бесплатни оброци, попусти, забава, поволности “, стои во објавата на хрватскиот хотелски и тур-оператор.
Во првите три месеци од 2024 година, Хрватскиот завод за вработување (ХЗЗ) прими над 62.000 барања за работни дозволи за работници од трети земји, од кои над 51.000 добија позитивно мислење. Очекуваме дека бројот на пристигнати апликации оваа година за прв пат би можел да надмине 200.000, пишува аналитичарот на Рајфајзен банка Петар Бејук.
До крајот на декември минатата година, Хрватска издаде рекордни 206.529 дозволи за престој и работа на странски работници, што значи дека за прв пат по укинувањето на квотите за увоз на работна сила во 2021 година, е надмината бројката од 200.000 издадени работни дозволи. Од 2018 година, кога имавме само 32,7 илјади дозволи за престој и работа издадени на странци од трети земји, бројот на работни дозволи е зголемен за повеќе од шест пати.
Податоците на хрватското МВР покажуваат дека во 2024 година, како и претходните години, најмногу работни дозволи се издадени во градежништвото (75.071) и туризмот и угостителството (56.228).
Најголем број работни дозволи се издадени на државјани на Босна и Херцеговина (38.100), Непал (35.635), Србија (27.988), Индија (20.502), Филипините (14.680), Северна Македонија (13.855)…
Споредено со 2023 година, кога се издадени повеќе од 172 илјади дозволи, минатата година нивниот број е зголемен за 34 илјади.
Податоците на Хрватската служба за вработување за просечната бруто плата за најбараните занимања за кои ЦЕС даде позитивно мислење покажуваат дека во декември 2024 година платите на странските работници се движеле околу минималната плата.
На пример, просечната бруто плата на градежните градежници е 926,51 евра, градежните работници 933,71 евра, ѕидарите 971,19 евра, камерите 929,28 евра, пекарите 890,50 евра, доставувачите 865,40 евра, келнерите 998 евра, келнерите 998 евра. Готвачите што ги увезуваме имаат просечна бруто плата од 1.049,68 евра.
Орце Костов