Цела Србија синоќа ја крена на нозе веста дека малата Марија (3) исчезнала за време на нејзиниот летен одмор во Грција.
Ја пронашол Сашко Радуловиќ, Македонец од скопско Миладиновци и ја споделил веста на Фејсбук.
– Најдовме тригодишно девојче кое беше изгубено во Неа Флогита, во близина на Филатеки. Нејзиното име е Марија, доколку некој ги знае родителите нека не извести – напишал Сашко во групата „Грција инфо“ а со објавата објавил и слика од девојчето.
Објавата беше споделена над 3.000 пати, беа оставени 1.800 коментари, а контактирани се безброј луѓе, се со надеж дека девојчето ќе биде вратено кај родителите што е можно поскоро.
Сашко повикал полиција, која дошла по повеќе од еден час по објавата и го однела девојчето во полициската станица во Неа Мудања.
За тоа време Србија ги бараше родителите на исчезнатото девојче, а додека многумина зборуваа само за неа, Стефан и Валентина Спасиќ се покажаа како вистински херои. Ги пронашле родителите на девојчето и ги однеле во полициска станица во соседниот град за да си го земат детето.
Стефан и Валентина за Телеграф.рс открија како се одвивала драмата во која се нашле.
– Девојчето е добро, полицијата ја однела во станицата во Неа Мудање за да се увери дека е безбедна. Разбирливо беше вознемирена, но на крајот сè испадна добро. Родителите живеат во еден од нашите станови што го изнајмуваме, па лесно можеше да дојдеме до нив штом го видовме и го препознавме девојчето на социјалните мрежи – изјави Стефан Спасиќ во моментот кога девојчето и нејзините родители беа вратени во стан.
Стефан откри и дека родителите се малку во шок, но се добро:
– Искрено, беа во шок, но сега се добро штом дознаа дека пред се девојчето е добро и на безбедно место – изјави Стефан.
После сета оваа драма, важно е дека малата Марија е на сигурно со родителите и братчето.
Малото девојче било пронајдено околу 23 часот, но не знаела од каде е, ниту како се вика нејзиниот татко.
Таа рече дека има брат Андреј и мајка Ана. Сашко и купил газиран пијалок и разговарал со неа додека не дошла полиција, а тој се погрижил девојчето да не биде премногу исплашено и истрауматизирано од ситуацијата во која се нашла.
