Македонец избодел пет лица во Хрватска, му се заканува казна

Вараждинското Жупаниско државно обвинителство донесе решение за спроведување истрага против 23-годишен државјанин на Македонија, кој пред неколку вечери се обиде да убие едно лице, а четири тешко рани.

Настанот се случил на 28 март во 3 часот по полноќ, кога Македонецот на сред улица двапати избодел со нож врсник, при што му задал рана во стомакот и предизвикал внатрешни повреди.

Во истата прилика, со нож им задал убодни рани и расекотини на четворица оштетени и им нанел телесни повреди информираат медиумите од Хрватска. На Македонецот ќе му се суди за две казнени дела, а може да добие казна затвор од пет години.