Министерството за здравство со детали за детето од Кичево: Мајката го донела во болница во коматозна состојба

Двегодишното девојче од Кичево, кое по 22 дена почина на Клиниката за неврологија во Скопје, било примено на 19 декември во Ургентниот центар во ОБ Кичево во коматозна состојба, а таму ја донела нејзината мајка.

„Поради критичната состојба малата пациентка е препратена на Ургентен хируршки центар во клиничкиот комплекс Мајка Тереза, а потоа префрлена на Универзитетската Клиника за неврохиргија, во Скопје. И покрај сите заложби на лекарите, за жал двегодишната пациентка подлегна на тешките телесни повреди на 08.01.2024 година“ соопштија од Министерството за здравство.

Здравствените институции каде беше примена и третирана пациентката, целосната документација за хоспитализацијата и третманот, ја предадоа на надлежните истражни органи.