Магливо и студено утро

Магливо и студено утро, а преку ден сончево со мала облачност. Ова е денешната временска прогноза на синоптичарите од Управата за хидрометеоролошки работи (УХМР).

Минималната температура ќе биде во интервал од -7 до -3, а максималната ќе достигне од 8 до 13 степени.

И во Скопје утрото ќе биде магливо, а во текот на денот сончево со мала облачност.

Од утре, но и во сабота времето ќе биде облачно и со врнежи, кои на повисоките места ќе бидат од снег, а во останатите делови од дожд, а некаде ќе преминуваат од дожд во снег.

Во неделата и понеделник се очекува постабилно и суво време. Нови врнежи се очекуваат од вторник.