Луксембург од наредната година го укинува плаќањето на превоз

Владата на Луксембург планира од следното лето да го укине плаќањето на превоз во возовите, трамваите и автобусите и со тоа да стане прва земја во светот со бесплатен превоз.

Одлуката ја донесе повторно избраната коалициска влада предводена од Хавиер Бетел, на која приоритет и е животната средина.

Освен бесплатниот превоз ширум земјата, Владата планира да го легализира канабисот и да воведе два нови државни празника.

Ова лето луксембуршките власти воведоа бесплатен јавен превоз за секое дете и сите лица помлади од 20 години, а учениците од средните училишта имаат бесплатно возење од училиште до дома.