ЛШ жрепка: Барселона на битка со „ѓаволите“, Тотенхем ќе се сретне со Манчестер сити

Фудбалерите на Ајакс ќе играат против Јувентус во четвртфиналето на Лигата на шампионите, беше одлучено денеска со жрепката во Нион.

Манчестер Јунајтед ќе игра со Барселона, додека останатите два натпревара се Ливерпул – Порто и Тотенхем – Манчестер сити.

Во полуфиналето ќе играат победниците од натпреварите Тотенхем / Манчестер сити – Ајакс / Јувентус и Барселона / Манчестер Јунајтед – Ливерпул / Порто.

Термините за четвртфиналето се 9, 10, 16 и 17 април, полуфинале на 30 април, 1 мај, 7 мај и 8 мај, додека финалето е закажано за 1 јуни на стадионот Ванда Митрополитано во Мадрид.