Локализиран е пожарот кај „Треска“

Пожарот кај поранешната фабрика „Треска“ е локализиран и речиси целосно изгаснат, благодарение на брзата реакција на надлежните, информира градоначалникот на Општина Центар Горан Герасимовски, кој излезе на терен.

-Заедно со екипите на Општина Центар остануваме на терен, а кризниот штаб во состав од претставници на МВР, инспекциските служби на општината и противпожарна служби веднаш одржа состанок. Голема благодарност до сите за брзата и ефикасна реакција. Во оваа незгода за среќа нема повредени- изјави Герасимовски.

Жителите и вработените во околните продавници беа навремено евакуирани, а Герасимовски упати апел до граѓаните додека трае интервенцијата, да го избегнуваат метежот кој се создаде на околните улици.