Левица планира да ја отвори темата за „Еуростандард банка“ на седница за пратенички прашања

Левица соопшти дека до претседателот на собранието Талат Џафери упатила писмено барање за одржување на специјална собраниска седница за пратенички прашања.

Од опозициската партија истакнуваат дека планираат да го отворат, како што велат од таму, контроверзното прашање за пропаста на „Еуростандард банка“ АД Скопје и на „тргувањето со инсајдерски информации од страна на актуелни функционери на штета на граѓаните и јавниот интерес“.

Воедно, од таму бараат задолжително присуство на министерката за финансии Нина Ангеловска и на гувернерката на Народната банка Анита Ангеловска-Бежовска.