Претседателот, Стево Пендаровски, избра нови членови на Комисијата за помилување. Во новиот состав на Комисијата се: Сабит Кранли, поранешен судија во Врховниот суд – претседател на Комисијата, Љубомир Јовески, Јавен обвинител на Република Северна Македонија, Фехми Стафа, државен правобранител на Република Северна Македонија, Љубомир Михајловски, претседател на Адвокатска комора на Република Северна Македонија, Темелко Ристевски, универзитетски професор, Сафет Алиу, поранешен судија во Врховниот суд, Божин Аврамовски, судија во пензија, Ерол Рушид, лекар, Зора Митиќ, лекар, Уранија Пировска, Хелсиншки комитет за човекови права, и Билјана Петковска, Македонски институт за медиуми.
„Претседателот Пендаровски, посакувајќи успешна работа на комисијата, рече дека при изборот на членовите на комисијата се водел од нивните исклучителни биографии и нивното богато професионално искуство“, информираа од кабинетот на Пендаровски.
Денеска се одржа и првата конститутивна седница на Комисијата за помилување.