Лавров на турнеја по Африка

Шефот на руската дипломатија Сергеј Лавров денеска од Каиро ја почнува турнејата по африканските земји.

– Тоа е прва станица во офанзивата на руското шармирање на Африка, во обид да се смени глобалната репутација на земјата по инвазијата врз Украина и да се активира трговијата, објави Гардијан.

Лавров синоќа доцна слета во главниот град на Египет, Каиро, за подоцна да го продолжи патувањето во Етиопија, во Уганда и во Демократска Република Конго.

Лавров во Каиро се сретна со својот египетски колега Саме Шукри, а во текот на денот е предвидена средба со генералниот секретар на Арапска лига, Ахмед Абоул Геит.