Лавров: Кризата во Македонија е вештачка

Официјална Москва се надева дека западните земји ја сфаќаат опасноста од обидите за дестабилизација на ситуацијата во Македонија, вели рускиот министер за надворешни работи Сергеј Лавров, пренесува „Спутник“.

Лавров смета дека е чудно што Балканот се перцепира како регион на руски „провокативни активности“, а секои нормални релации меѓу Русија и балканските земји предизвикуваат загриженост на Запад.

– Сегашната ситуација во Македонија е малку покомплицирана, дури би ја нарекол и криза, во голем дел предизвикана вештачки, која води до ситуација за обиди за поделба на општеството – вели Лавров.