Центрите за донесување одлуки во Киев може да бидат цел на руски удари, во зависност од заканите што ги испраќаат, а Москва никогаш не напаѓа цивилни цели, вели рускиот министер за надворешни работи Сергеј Лавров.
„Ние избираме цели за уништување на територијата на Украина само врз основа на заканите за Руската Федерација. Тоа може да бидат воени објекти, претпријатија од одбранбената индустрија, центри за одлучување во Киев, но одговорот на цивилните цели не е наше правило. Тоа се методите на нацистите кои се населиле во Киев со поддршка на Западот и на оние кои им снабдуваат оружје за уништување на цивилната инфраструктура и цивилите“, изјави Лавров пред домашните и странските новинари, пренесе руската новинска агенција Тасс (ТАСС).
Лавров го привлече вниманието на фактот дека Киев секојдневно напаѓа „очигледно цивилни цели“ со беспилотни летала и западни проектили. Тој, исто така, истакна дека никој од западните земји, снабдувајќи му оружје на, како што наведе, „нацистичкиот режим“, не го предупредил Киев за грубо кршење на меѓународното хуманитарно право и правилата за војна.
„Цивилите умираат во клиниките, училиштата, пазарите и другите цивилни објекти… Сè додека ваквото однесување на режимот во Киев продолжува и не само што е охрабрувано, туку и диригирано од Западот, вклучително и Франција, ние ќе одговориме, но не на ист начин како што тоа го прави режимот во Киев на ваша иницијатива“, рече Лавров, одговарајќи на прашање на француски новинар.
Според него, Русија гаѓа исклучиво воени цели, објекти на воено-индустрискиот комплекс и други објекти поврзани со поддршката на вооружените сили на Украина.