Лајчак: Нема можност за прелевање, но кризата во Косово негативно влијае на регионот

Специјалниот претставник на Европската Унија за дијалогот меѓу Белград и Приштина, Мирослав Лајчак, во интервју за телевизија 24, за време на Преспа Форум Дијалог на 15ти јуни, порача дека се чувствува тензија во регионот, иако нема можност конфликтот да се прелее и во останатите држави на Балканот.

-Атмосферата е многу важна. Сакаме да имаме атмосфера на соработка, да се фокусираме на нормализирање на односите меѓу Косово и Србија, да се фокусираме на европските интеграции. Наместо тоа ние повторно сме зафатени со кризен менаџмент. Тоа не е добро за регионот. Нема ризик од прелевање во физичка смисла, но политички, ментално, психолошки, веќе има негативно влијание врз остатокот од регионот, порача Лајчак, во интервју за телевизија 24.