Квебек се откажа од оданочување на невакцинираните

Властите во канадската франкофонска провинција Квебек соопштија дека ќе се откажат од оданочување на лицата кои не примиле вакцина против коронавирус, бидејќи најавата на таа мерка предизвика бурни реакции.

Премиерот на покраината Франсоа Лего изјави дека решил да се откаже од оданочувањето поради поделбата во јавноста.

– Со цел Квебек да оди напред во мирна атмосфера во општеството, решив да се откажам од нацрт-договорот за здравствени придонеси“, рече Лего.

На 11 јануари, премиерот на Квебек најави нов данок наречен „здравствен придонес“, само за граѓаните кои одбиваат да примат вакцина против коронавирусот.

Досега мнозинството од населението примило две дози од вакцината против коронавирус, додека 61 отсто примиле и трета доза.