„После ДВЕ години од мандатот на ДПМНЕ како локалната власт во над 40 општини резултатот е НУЛА. Проектите кои ги ветуваа не се реализирани, изборните програми на градоначалниците на ДПМНЕ станаа книги на лаги, на лажни и нереализирани ветувања. Мицкоски и ДПМНЕ не ја оправдаа довербата и не го испорачаа она што го ветуваа пред граѓаните. 0 резулати, безброј нереализирани изборни ветувања и поголеми сметки за граѓаните, за данок на имот и до 300%, но и за ѓубретарина, вода, комунални услуги. Тоа е поразителниот заклучок после 2 години локална власт на ДПМНЕ“ рече денеска на прес-конференција Богданка Кузеска од СДСМ.
Таа вели дека „Скопје е еклатантен пример за тоа. Клучното ветување за бесплатен градски превоз во Скопје го нема и нема ниту да се случи. Ги нема ниту ветените 250 еколошки автобуси, нема ниту модерен еколошки транспорт“.
„Истото е во останатите општини кои се под капата на ДПМНЕ. Во Кисела Вода, Гази Баба, Аеродром, Бутел, Ѓорче Петров, не се реализирани ветувањата, нема капитални проекти, нема развој, резултати нула. Општините се дават во нечистотија и смет, а градоначалниците на ДПМНЕ згора на се ги задолжуваат граѓаните и трупаат нови долгови. Во Ѓорче Петров сметките за комунални услуги се зголемени за 300%, во Бутел за 150%“ вели таа.
Напомена дека „Мицкоски и ДПМНЕ не ја оправдаа довербата којашто им ја дадоа граѓаните. Власт за ДПМНЕ значи уназадување, нула резултати и поголеми сметки за граѓаните“.