Куќен притвор за Владимир Талески

Кривичниот суд му одреди куќен притвор од 30 дена на битолскиот градоначалник Владимир Талески, за случајот „Транспортер”.

Специјалното јавно обвинителство бараше притвор за Талески, а неговите адвокати слобода, по што и двете странки ја обжалија првичната одлука со која му беше одземен пасошот. По жалбите, кривичниот совет ја соопшти новата одлука куќен притвор за Талевски.

Инаку, СЈО ја продолжи истрагата против битолскиот градоначалник, веднаш по повлекувањето на аболициите. Талески е првоосомничен во случајот „Транспортер” во кој ќе одговара за коруптивни тендери со превозот на ученици, со што државата ја оштетил за 360 000 евра.