Кривокапиќ одбива да му ја предаде власта на Абазовиќ

Поранешниот премиер на Црна Гора Здравко Кривокапиќ не му ги предаде должностите на новиот премиер Дритан Абазовиќ, пренесува „Вијести“.

Тој на Твитер напиша дека „предавањето на должностите на премиерот како протоколарен гест се практикува во услови на неоспорен легитимитет“.

– Примопредавањето на должностите на премиерот како протоколарен гест се практикува во услови на неоспорен легитимитет. Имајќи предвид дека имаме прекршување на уставните и деловните процедури, не сакам да му дадам легитимитет на очигледното кршење на демократските и правните постулати со симулирање на регуларност.

Оставив јасна порака во кабинетот за минливоста: Ќе помине!, напиша Кривокапиќ.