Кремљ денеска ги демантираше информациите објавени синоќа од „Вашингтон пост“, според кои рускиот претседател Владимир Путин и новоизбраниот американски претседател Доналд Трамп разговарале за Украина минатата недела.
„Тоа е јасен пример за квалитетот на информациите што се објавуваат деновиве, дури и во прилично угледни медиуми. Тоа е целосно невистинито. Чиста фикција. Тоа е едноставно лажна информација“, рече портпаролот на Путин, Дмитриј Песков.
"Pure fiction" – Kremlin spokesperson Peskov denies that a call between Putin and Trump occurred last week. Earlier, WP reported that a call took place where Trump looked favourably at an agreement where Russia would keep the 'new territories' seized partially from Ukraine.
One… pic.twitter.com/ntVycfGVyF
— WarTranslated (Dmitri) (@wartranslated) November 11, 2024
На повеќекратно прашање од печатот дали тоа значи дека немало телефонски разговор меѓу Путин и Трамп минатата недела, Песков рече: „Токму тоа го кажав. Немаше разговор“.
Претходно „Вашингтон пост“ објави дека Трамп и Путин разговарале во четвртокот.
Како што беше објавено, Трамп разговарал со Путин додека престојувал во неговото одморалиште на Флорида, а според извори на „Вашингтон пост“ му испратил предупредување на Путин да не го интензивира конфликтот со Украина, а наводно го потсетил и на силното американско воено присуство во Европа.