Москва ја обвини администрацијата во заминување на американскиот претседател Џо Бајден дека ги поткопува плановите на новоизбраниот претседател Доналд Трамп да стави крај на војната во Украина.
– Трамп за време на предизборната кампања зборуваше за желбата некако да се постигне мир и ги водеше сите кон мирно решение. И сега прават се што можат за да ја ескалираат ситуацијата на тој начин што мировните договори ќе бидат осудени на неуспех – изјави портпаролот на Кремљ Дмитриј Песков за руската телевизија, во политичката емисија „Москва. Кремљ. Путин“.
Трамп, кој ќе ја преземе функцијата на 20 јануари, рече дека брзо ќе дејствува за да стави крај на војната меѓу Русија и Украина која трае повеќе од илјада дена.
Сепак, тој се уште не кажал никакви конкретни планови.
Песков рече дека администрацијата на Бајден покажала дека „ќе направат се за да не заврши оваа војна“ и дека сакаат да го ограничат Трамп и му се одмаздуваат за изборниот пораз.