Кралот Чарлс Трети се сретна со премиерката Трас, се чека негово обраќање

Кралот Чарлс Трети попладнево ја одржа првата аудиенција на премиерката Лиз Трас, соопшти Бакингемската палата.

Трас, која беше назначена од покојната кралица во вторникот, помина приближно половина час со кралот Чарлс Трети, објави Би-би-си.

Кралот Чарлс Трети пред Бакингемската палата се поздрави со дел од насобраниот народ.

Неговото прво обраќање кон Британците како крал се очекува да биде телевизиски емитувано во 18 часот по локално време, откако претходно ќе се сними во Бакингемската палата.