Кралот Чарлс добил парчиња од крстот на кој бил распнат Исус Христос

Папата Франциск му подарил на кралот Чарлс Трети две парчиња дрво за кои Ватикан верува дека се земени од крстот на кој се вели дека Исус Христос бил распнат пред 2.000 години.

„Тајмс“ објави дека и двете парчиња имаат облик на крстови, и се поставени во центарот на голем сребрен крст зад скапоцен камен од розов кристал, така што тие можат да се видат само одблизу.

Велшкиот крст ќе го благослови архиепископот Андреј Џон на миса во црквата Света Троица во Велс. Токму тој крст ќе биде и на крунисувањето на Чарлс кое е предвидено за следниот месец.

„Извонредно е што кралот успеа да ја придобие наклонетоста на Ватикан и како резултат на тоа папата Франциск се согласи да ги подари овие ситни парчиња од светиот крст“, рече надбискупот од Велс.