На денешната прва седница на новиот владин состав, премиер Димитар Ковачевски ги назначи своите заменици или вицепремиери.
Остана позицијата „прв заменик на претседателот на Владата“, а тоа повторно ќе биде Артан Груби.
Позицијата министер за борба против корупцијата е заменета со вицепремиер задолжен за политики за добро управување. Тоа ќе биде Славица Грковска.
„Обични“ заменици на претседателот или вицепремиери се:
• м-р Славица Грковска, министер без ресор, за заменик на претседателот на Владата на Република Северна Македонија, задолжен за политики на добро владеење;
• Фатмир Битиќи, министер без ресор, за заменик на претседателот на Владата на Република Северна Македонија, задолжен за економски прашања, за координација со економските ресори и инвестиции;
• м-р Бојан Маричиќ, министер без ресор, за заменик на претседателот на Владата на Република Северна Македонија, задолжен за европски прашања;
• д-р Џемаил Чупи е именуван за министер без ресор, задолжен за дијаспора.