Ковачевски пред победа на изборите во СДСМ

На денешните внатрепартиски избори за нов лидер на СДСМ гласале вкупно 78,5 отсто од активните членови на партијата, брифираат од СДСМ.

Од таму неофицијално велат дека, според досега обработените гласови, во водство е Димитар Ковачевски пред останатите двајца противкандидати – Јован Деспотовски и Фросина Ременски.

Како што е познато, зад Ковачевски застана досегашниот лидер и премиер Зоран Заев, како и најголем дел од партиското раководство.