Ковачевски: Ние не водиме политика на „или-или“

Премиерот Димитар Ковачевски на денешното разгледување на францускиот предлог во Собранието порача дека европскиот предлог ги отсликува нашите дефинирани позиции.

„Ние не прифаќаме и не водиме политика на „или или“. Ние водиме политика и за преговори за влез во ЕУ и за заштита на нашето достоинство, идентитет, јазик и историја. Како резултат на тоа, и како резултат на поддршката на бројните европски пријатели, а верувајте ги има многу, успеавме да добиеме единствен, формален, заокружен, заеднички предлог на Европската Унија. На сите држави членки. Тој европски предлог на вистински начин ги отсликува нашите дефинирани позиции“, истакна Ковачевски.