Ковачевски и Столтенберг, домаќини на неформалниот состанок на лидери на НАТО сојузници од регионот

Премиерот Димитар Ковачевски и Генералниот секретар на НАТО, Јенс Столтенберг, денеска ќе бидат домаќини на неформален состанок на лидери на НАТО сојузници од регионот, што се одржува во хотел „Хилтон“ во Скопје.

Согласно програмата, пред почетоток на состанокот, Ковачевски и Столтенберг, ќе имаат заедничка изјава за медиумите.

Изјави за медиуми пред почетокот на состанокот, ќе имаат и Еди Рама, претседател на Владата на Република Албанија, Зоран Миловановиќ, претседател на Хрватска, како и Милојко Спајиќ, претседател на Владата на Црна Гора.

Согласно програмата, по изјавите, ќе следи неформалниот состанок на лидерите на НАТО сојузните од регионот, по што лидерите ќе одржат заедничка прес- конференција.