Ковачевски ги повика Македонците во Албанија да не подлегнуваат на притисоци

Премиерот Димитар Ковачевски од Македонија ги повика Македонците во Албанија да не подлегнуваат на притисоци за асимилација од страна на Бугарија.

„Ние како држава сме секогаш присутни меѓу нив. Врз основа на пописот, секој од нив ќе може слободно да се изрази во Албанија како Македонец, нормално. Доколку постои притисок не треба да подлегнуваат на него, а знам дека Албанија ќе го направи пописот врз основа на сите највисоки стандарди на Европската унија и на Евростат. Сигурно дека ќе спречи било какви притисоци во поглед на било какво влијание врз било кој граѓанин, без разлика на неговата етничка припадност“, рече Ковачевски.