Повеќе од два месеци откако уби деветмина свои врсници и училишен чувар, но и откако за злосторството беше затворен во психијатриска болница, момчето убиец од ОУ „Владислав Рибникар“ го смени исказот и за прв пат од ужасниот масакр што го направи рече дека се кае. Како што дознава „Блиц“, тој за време на сведочењето во постапката против неговиот татко рекол: „Се каам, кога би можел да го вратам филмот назад, не би го повторил.
Момчето-убиец (13) денеска преку видео врска повеќе од четири часа бил испрашуван во постапката против неговиот татко, кој се товари за тешко кривично дело против општата безбедност.
На распитот во зградата на Вишото јавно обвинителство во Белград присуствуваа обвинител, адвокатот на таткото на момчето, адвокатите на оштетените, како и родителите на убиените деца кои го следеа рочиштето преку монитор.
Во Клиниката за неврологија и психијатрија за деца и младинци во Белград, каде е момчето, била неговата мајка.
Иако сведочењето беше поврзано со кривичното дело против В.К., момчето-убиец зборуваше зошто го извршил масакрот во ОУ „Владислав Рибникар“ кога уби девет врсници и училишниот чувар.
Како што дознава Блиц, родителите на убиените деца на психологот (психологот имал слушалка во увото и слушал) му кажувале прашања за момчето-убиец, кои најмногу биле фокусирани на тоа зошто ги убил своите врсници.
– Не можеше да објасни зошто го направи тоа. Рече дека се предомислил, дека се кае и ако го врати филмот, не би го повторил. Исто така, тој не наведе конкретна причина зошто на 3 мај влегол во училиштето со оружјето на неговиот татко и пукал во своите врсници, вели изворот на „Блиц“.