Поранешната премиерка на Хрватска и шефица на ХДЗ, Јадранка Косор ја коментираше победата на Доналд Трамп на изборите во САД.
Според неа, потфрлиле сите анализи за изборите, но и коментаторите надвор од САД.
„Многу убаво се покажа како не успеаја истражувањата за американските избори. И многу коментатори, и во Република Хрватска. Ништо од „неизвесниот резултат“. И да; големите поп ѕвезди не помогнаа особено. Поучно, исто така“ напиша таа на Х.
Baš se lijepo pokazalo kako su istraživanja o američkim izborima podbacila. A i mnogi komentatori, i u RH. Ništa od “neizvjesnog rezultata”. I da; velike estradne zvijezde nisu osobito pomogle. Poučno također.
— Jadranka Kosor (@_Jadranka_Kosor) November 6, 2024
Доналд Трамп добива втор мандат за претседател на САД, откако ја победи демократската потпретседателка Камала Харис во трката за Белата куќа, според најновите проекции на водечките американски медиуми.
Американските мрежи Фокс њуз, Си-Ен-Ен и Ен-Би-Си го прогласија Трамп за иден претседател, откако предвидеа дека ќе обезбеди доволно гласови од Изборниот колеџ по победите над Харис во тешките држави, вклучувајќи ги Пенсилванија и Висконсин.