Комисијата за помилување поднесе колективна оставка

Членовите на Комисијата за помилување поднесоа колективна оставка.

„Ја известуваме јавноста за нашата колективна оставка од позициите членови на комисијата за помилување. Оваа одлука ја донесовме во согласност со нашите лични и професионални принципи“, објави на Фејсбук Гордан Калајџиев, еден од членовите на комисијата покрај Методија Каневчев, Арлинда Кадри Шахиновиќ, Зора Митиќ, Ана Ѓорѓиева Ивановска и Ајтен Шаќири.

Ова следува откако претседателката Гордана Сиљановска-Давкова го прифати нивниот предлог да помилува контроверзни ликови од криминалното подземје.