Комисијата е на вториот од 400 амандмани на ВМРО-ДПМНЕ, на полноќ мора да се гласа

Собраниската Комисија за европски прашања вечерва продолжи со работа по седницата на која се расправа по Предлог-законот за изменување на Изборниот законик по скратена постапка во второ читање.

Во тек е расправа за вториот амандман од 400 амандмани за Изборниот законик поднесени од опозициската ВМРО-ДПМНЕ.

Расправата три пати беше прекината и беше дадена пауза, два пати поради тензична атмосфера, а еднаш на барање на координаторот на пратеничката група на ДУИ Ејуп Алими, за да се провери дали се преведени на албански јазик сите 400 амандмани.

Комисиската расправа треба да заврши до полноќ, бидејќи според Деловникот, за закони кои се донесуваат по скратена постапка и со европско знаменце треба да трае два дена.