95
Кочанчанец со комбе се забил во метален столб, при што тешко е повреден сопатникот кој бил со него.
Според информациите, несреќата се случила вчера вечер на регионалниот пат Р-1309, во близина на „Шумската куќичка“, кога В.В.(47) од с.Бање, кочанско, управувајќи товарно возило „фолксваген кеди“ со кочански регистарски ознаки, удрил во метален столб.
Во несреќата со тешки телесни повреди се здобил сопатникот И.М.(47) од Кочани, констатирани во Клиничка болница во Штип. Возачот В.В. бил лишен од слобода.
Увид на местото извршила екипа од Полициската станица Кочани, а по целосно документирање на случајот против В.В. ќе биде поднесена соодветна пријава.