Кој ќе одговара за огромните хонорари на водителката Ејупи?

Државната комисија за спречување на корупцијата (ДКСК) донесе одлука да поднесе иницијативи до Јавното обвинителство за покренување постапки за гонење на одговорните лица на општините Петровец, Сарај, Брвеница и Чаир и на Државното правобранителство, за склучените договори за дело со новинарката Бесмира Ејупи.

Катица Николовска од Антикорупциската комисија денеска даде свое објаснување за ваквата постапка.

„Имајќи предвид дека нашиот закон во член 2 вели дека под корупција се подразбира злоупотреба на функција јавно овластување службена должност или положба за остварување корист директно преку посредник за себе и за други, јасно е дека за овие ситуации постои таква можност за кривично гонење“, рече Николовска.