Клучен ден за Франција: Партиите се обединија против крајната десница на Ле Пен

by Fokus

Денеска е Денот „Д“ за Франција, граѓаните ќе гласаат во вториот круг од парламентарните избори кои ќе одлучуваат дали земјата ќе падне во прегратките на екстремната десница.

По убедливата победа на Марин Ле Пен во првиот круг минатата недела, каде секој трет гласач го поддржа Националниот митинг (РН), многумина во Франција и Европа останаа запрепастени. Анкетите, сепак, покажуваат дека трката е затегната во последните денови и дека вториот круг на гласање може да доведе до парламент без јасно мнозинство.

Екстремната десница најверојатно нема да го достигне целосното мнозинство потребно за формирање влада на предвремените избори според Ипсос. Проекциите се направени врз основа на анкета на примерок од 10.000 луѓе.

Истражувањето објавено во петокот покажа дека екстремно десничарската РН и нејзините сојузници ќе обезбедат само меѓу 175 и 205 места во 577-члениот парламент. Истражувањето на Ипсос го стави левичарскиот Нов народен фронт (НФП) на второто место со 145 до 175 места.

И екстремната десница и левицата се пред центристичките сојузници на претседателот Емануел Макрон. Тие се на третото место во анкетите, а Ипсос предвидува дека ќе освојат 118 до 148 пратенички места во недела.

Поврзани новости