Кина ќе обезбеди 10 милиони дози вакцини за иницијативата Ковакс

Кина планира да обезбеди 10 милиони дози вакцини против Ковид-19 за глобалната иницијатива за дистрибуција на вакцини Ковакс, откако три кинески компании аплицираа за иницијативата за одобрување, соопшти денеска Министерството за надворешни работи.

Ковакс, поддржан од Светската здравствена организација (СЗО) и ГАВИ, глобалниот сојуз за вакцини и имунизација, треба да започне со спроведување на програмите за вакцинација во земјите со низок и среден приход овој месец, со две милијарди од вкупно три милијарди дози што се очекува да бидат испорачани оваа година.