Киев: Русите повторно го гаѓаат аеродромот во Чугујево

Руските сили синоќа го бомбардираа аеродромот во Чугујево во Харковската област, изјави советникот на украинскиот министер за внатрешни работи Антон Херашченко.

Тој го напишал тоа на својот Телеграм канал, објавувајќи и видео снимка од експлозијата.

– Уште еден напад со крстосувачки ракети „калибар“ на аеродромот во Чугујево. Боевата глава тежи 500 килограми. Кутри, кутри луѓе, напишал Херашченко.

Тој истакна дека најмалку 10 лица загинале, а 35 се повредени во вчерашните ракетни напади на руските сили врз центарот на Харков, вториот по големина град во Украина.

Во денешното ракетирање на Харков, уништена е и зградата на Конзулатот на Словенија.