Полицијата на Умаг утрово околу 8.30 часот уапсила маж за кого се сомничи дека вчера утро на подрачјето на Петровија на Истра противправно лишил жена од слобода. Против осомничениот е во тек кривична истрага.
Полицијата синоќа ја опколила шумата во која се криел киднаперот, но дождот им ја забавил акцијата, пренесе Еуростар Умаг. Но, како што јави ХРТ, човекот сам влегол во полициската станица и се предал.
Полицијата трага по киднаперот од вчера утро до денес. Според неофицијални информации, бегалецот се предал во полициската станица Умаг, каде што моментално се наоѓа.
„Против него се води кривична истрага, која може да потрае некое време“, велат од полицијата во Умаг.
„Тој ќе биде предаден на истражен судија, а тоа ќе биде денес во текот на денот или утре наутро“, објави ХРТ.
