Принцезата од Велс е фотографирана за првпат во јавноста откако објави дека завршила со хемотерапијата.
Кејт (42) денеска беше фотографирана со принцот Вилијам (42), кралот Чарлс (75) и кралицата Камила (77) на миса во Крати Кирк во Балморал.
Вилијам бил зад воланот додека Кејт со капа на главата седела на совозачкото седиште, пишува „Би-Би-Си“ кој ги објави фотографиите.
Kate seen in public for first time since cancer treatment ended https://t.co/t7k8wI3rIs
— BBC North East Scot (@BBCNorthEast) September 22, 2024
Принцезата е фотографирана само неколку дена откако се врати на службените обврски. Девет месеци била „на пауза“ поради здравствената состојба.
Таа организираше состанок во замокот Виндзор каде што разговараше за нејзиниот проект за ран детски развој, на кој присуствуваа членовите на нејзиниот тим и претставници на фондацијата посветена на децата.
Да потсетиме, Кејт во март објави дека и бил дијагностициран рак по операција на абдоменот и дека ќе мора да оди на превентивна хемотерапија. Таа неодамна ја сподели веста дека заврши со хемотерапија.
