Во однос на објектот „Рехабилитација на Регионален пат Р1102, делница Велес – Градско”, АМСМ известува дека поради вградување на асфалтен слој, на 14, 15, 16 и 18 септември, ќе биде затворена за сообраќај делницата Велес – Градско во периодот од 08:00 – 18:00 часот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.