Ќе биде ли Мицотакис нов премиер на Грција?

Во Грција пред утрешните избори анкетите покажуваат дека Нова Демократија има голема предност од 36 отсто наспроти Сириза со 28 проценти.

Ако ова се потврди и на утрешното гласање, Нова Демократија би имала апсолутно мнозинство во Парламентот со 155 од вкупно 300 пратеници. Ако некоја од малите партии не успее да го помине прагот од 3 посто, тогаш мнозинството може да добие до 159 пратеници. Најсериозен кандидат за нов премиер на местото на Алексис Ципрас е лидерот на Нова демократија, Кирјакос Мицотакис.