Казнети и затворени маркети низ Скопје

Казнети се и затворени повеќе ланци на големи маркети во Скопје во населбите Чаир, Тафталиџе, Кисела Вода и Бутел, но и маркети во Струга, информира директорот на пазарна инспекција Горан Трајковски.

-Апелирам до сите трговци, дека нема да има компромис ниту селекција во постапувањето на пазарниот инспекторат кога е во прашање интересот на граѓаните. Во повеќе наврати напоменав дека секој мора да ги почитува законите и одлуките на владата. Исто така нема да дозволам некој да ги манипулира и доведува во заблуда граѓаните, потрошувачите – напиша Трајковски на својот Фејсбук профил.

Нема конкретна информација за какви прекршоци се казните и затворањата на ланците маркети.