Од контролирани 209 возачи, синоќа дури 38 зад воланот седеле пијани. Ова се утврдило од синоќешната акција на МВР.
-Одделението за безбедност на патниот сообраќај при Секторот за внатрешни работи Скопје на 22/23.12.2018 година во периодот од 00.00 до 05.00 часот спроведе зајакната акциска контрола за откривање возачи кои управуваат со возило под дејство на алкохол на подрачјето на Скопје. Од страна на полициски службеници контролирани се вкупно 209 возачи,a кај 38 од нив утврдено е присуство на алкохол во крвта. По однос на констатираните прекршоци од Законот за безбедност на сообраќајот на патиштата и Законот за возила кон возачи, преземени се вкупно 38 мерки. Исклучени се 38 возачи од сообраќај, издадени се 38 мандатни платни налози и откриени се 23 останати прекршоци, информираат од МВР.
