Кавадарци добива парк за миленици

За првпат Кавадарци добива парк за миленици во кој се поставени реквизити и содржини за милениците, како и соодветна урбана опрема.

Со изградбата на овој парк, ќе им се излезе во пресрет на сопствениците на домашни миленици, создавајќи соодветни услови за нивна рекреација- информираат од општината, а паркот е во завршна фаза на изградба.

Изведувач е фирмата Бетон Груп М и М.

Покрај паркот за миленици, во општината се гради и Регионален центар за згрижување на бездомни миленици.

Станува збор за проект вреден над 242.000 евра, а локацијата на објектот е во населба Глишиќ.

Стационарот ќе се простира на површина од околу 5.500 метри квадратни, и ќе обезбеди соодветни услови за континуирана грижа за бездомните кучиња.

Вики Клинчарова