Катната гаража „Македонска фаланга“ ќе се вика „26-ти јули“ а „Тодор Александров“ ќе се преименува во „Беко“

Градот Скопје започна со менување на имињата на катните гаражи.  На следната седница на Советот на Скопје идната недела, пред советниците ќе се најде предлогот за преименување на гаражите „Македонска фаланга“ и „Тодор Александров“, објави „Независен“

Како што стои во предлогот, гаражата „Македонска фаланга“ ќе се преименува во „26-ти јули“. Повод за тоа е 55-годишнината од земјотресот во Скопје.

Од друга страна, гаражата „Тодор Александров“ ќе се преименува во „Беко“, поради зачувување на урбаниот топоним кој потекнува од стоковната куќа „Беко“.