Касано во свој стил: Ако добијам прилика, ќе играм до 60 години

Контроверзниот италијански напаѓач, Антонио Касано реши да се врати на фудбалските терени, по двегодишна пауза. Овој 36-годишен фудбалер, тврди дека има понуда од неколку екипи од Апенините.

„Болоња, Сасуоло, Парма, Торино, но и Емполи и Калјари. Искрено, би сакал да играм во близина на Џенова, каде и живеам. Ако добијам прилика, секога ќе правам разлика. Сега сум 110 % подготвен. Можам да играм до 60 години“, порача Касано.