Министерот за внатрешни работи Карл Нехамер ја презема функцијата лидер на Народната партија (ОВП) и канцелар на Австрија.
Нехамер многу добро ја познава ОВП, бидејќи беше генерален секретар на партијата, а омилен е и меѓу сопартијците. Во прилог на тоа говори и фактот што коалицискиот партнер зелените и гувернерите на провинциите од редот на народот го прифатија назначувањето на Нехамер.
Вицеканцеларот и лидер на Зелените, Вернер Когле, дури се пофали дека има добра соработка со Нехамер.
Нехамер беше кандидатот кој го бараа „сивите еминенции“ во ОВП, особено гувернерката на покраината Долна Австрија, Јохана Микл Лајтнер.
Во новата рокада функцијата министерка за внатрешни работи би можела да ја преземе Каролин Едштадлер, која досега беше министерка без ресор задолжена за ЕУ и уставни прашања.
Саленберг би можел да се врати на позицијата шеф на дипломатијата, а актуелниот министер за надворешни работи Мајкл Линхарт би можел да биде министер за европски прашања, односно да биде прераспореден на амбасадорско место.