Карачиќ: Неизмерно ми е жал што си одам, можеби некогаш патиштата повторно ќе ни се спојат

Најкорисниот играч на Фајнал форот во Келн, Игор Карачиќ им се заблагодари на македонските фанови на вечерашниот пречек на плоштад Македонија и изрази жалење што од наредна сезона нема да го носи дресот на Вардар.

-Не сакам да кажувам тажни приказни вечерва. Нашите цели беа да стигнеме до Фајнал фор и да уживаме. Решивме да играме по теренот, да му донесеме радост на нашиот народ. Неизмерно ми е жал што си одам, можеби некогаш патиштата повторно ќе ни се спојат, рече Карачиќ.