Канада: Државните службеници да се вакцинираат против ковид-19

Канадската влада соопшти дека ќе бара од сите федерални службеници и од патниците во железничкиот, воздушниот и поморскиот транспорт да бидат вакцинирани против ковид-19 поради зголемениот број нови инфекции со делта сојот.

-Знаеме дека вакцините се најдобриот начин за ставање крај на оваа пандемија. Очекуваме сите федерални јавни службеници да го почитуваат ова задолжително барање, изјави министерот Доминик Леблан, кој е задолжен за државните службеници.

Федералната влада е најголемиот работодавец во Канада.

Од 13 август, 71 отсто од населението во Канада од 38 милиони луѓе примиле барем една доза вакцина против коронавирус. Речиси 62 отсто се целосно вакцинирани.